Ҳамасола дар доираи ин рӯз дар тамоми муассисаҳои таҳсилоти миёнаи умумии кишвар аз ҷониби кормандони Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон оид ба омодагӣ ба вокуниш ба офатҳои табиӣ, сӯхторҳо ва садамаҳои эҳтимолӣ дарсҳои мавзӯӣ ва омӯзишҳои намоишӣ гузаронида мешаванд.
25 апрели соли 2024 тахминан соати 10-и субҳ як сокини 6 – солаи деҳаи Сабзазори ҷамоати деҳоти Лангари Шоҳи ноҳияи Тоҷикобод бо мақсади чорвочаронӣ бо дӯстонаш аз ҳавлӣ берун шуд. Ҳангоми убур аз дарёчаи Шӯрак пояш лағжид ва дар об ғарқ гардид.
Танҳо соати 18:20 дақиқа баъди роҳандозии корҳои ҷустуҷӯӣ ҷасади ӯро 150-200 метр дуртар аз ҷойи ҳодиса пайдо карданд ва барои ташхис ба мақомоти ҳифзи ҳуқуқ супурданд.
Шабонарӯзи гузашта ва субҳи рӯзи 26-уми апрели соли 2024 дар қаламрави кишвар селҳо ва ярч ба қайд гирифта шуд
Чунончӣ, 25 апрели соли равон соати 17:10 бар асари боронҳои пушиддат аз талу теппаҳое, ки деҳаи Шӯрчашмаи ҷамоати деҳоти Чоргултеппаи ноҳияи Рӯдакиро иҳота кардааст, сел омад. Дар натиҷа 4 манзили истиқоматии сокинон ва 30 қитъаи ёрирасони наздиҳавлигӣ қисман зери об монд.
Рӯзҳои 25-26 апрели соли 2024 дар Маркази таълимию методии Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар ВМКБ бо иштироки кормандони раёсат ва сарварони шӯъбаҳо, наҷотдиҳандагон семинари омӯзишӣ баргузор мегардад.
Семинарро кормандони Раёсати тиббии КҲФ бо дастгирии Дафтари барномаҳои САҲА дар Тоҷикистон мегузаронанд.
23 апрели соли 2024 дар муассисаи таҳсилоти миёнаи умумии №8-и шаҳри Гулистон, ҷамоати шаҳраки Сирдарё «Рӯзи мудофиаи гражданӣ»-и намунавӣ бо мақсади тарғиби дониш дар соҳаи мудофиаи гражданӣ, ҳифзи аҳолӣ ва ҳудуд аз ҳолатҳои фавқулодда, такмил ва баланд бардоштани маҳорати амалии хонандагон ва омӯзгорон оид ба рафтор ҳангоми хавфи офатҳои табиӣ ва санҷидани ҳолати омодагии муассисаҳо доир ба мудофиаи гражданӣ дар мавзӯи: «Заминҷунбӣ» ташкил ва гузаронида шуд.
Copyright © 2024, КЧС
