КҲФ Тоҷикистон

Дар асоси Нақшаи чорабиниҳои асосӣ дар соҳаи мудофиаи гражданӣ, пешгирӣ ва вокуниш ба ҳолатҳои фавқулода барои соли 2024 кормандони Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар ВМКБ дар давоми се рӯз дар мавзӯи: «Амалиёти мақомоти маҳаллии ҳокимияти давлатӣ оид ба мудофиаи гражданӣ» машқҳои мудофиаи гражданӣ ташкил ва гузаронида шуданд.

Шабонарӯзи гузашта дастаи вокуниши сареъи Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар шаҳри Душанбе ҷасадеро аз «Кӯли ҷавонон» берун овард.

Дар бораи мавҷуд будани ҷасад дар ин кӯл ба Қисми навбатдории КҲФ аз Раёсати корҳои дохилии шаҳри Душанбе хабар доданд.

Рӯзи 19 апрели соли ҷорӣ дар муассисаи таҳсилоти миёнаи умумии №33-и ноҳияи Айнӣ барои пешгирӣ ва рафъи ҳолатҳои фавқулодда бо мақсади баланд бардоштани масъулияти хонандагон дар соҳаи ҳифзи шаҳрвандӣ бо иштироки донишомӯзону омӯзгорон ва хадамоти мудофиаи граждании ноҳия “Рузи мудофиаи граждании намунавӣ” гузаронида шуд.

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон истинодан ба маълумоти Агентии ҳавошиносии кишвар хабар медиҳад, ки рӯзҳои 22-24 апрели соли 2024 бар асари болоравии ҳарорати ҳаво ва об шудани барфҳо дар як қатор ноҳияҳои кӯҳии вилояти Суғд, навоҳии тобеъи ҷумҳурӣ ва ғарби ВМКБ омадани селҳо эҳтимол дорад.

22 апрели соли 2024 соати 13:45 дақиқа дар роҳи мошингарди Хуҷанд-Истиқлол, дар наздикии корхонаи «Хуаксин Ғаюр Суғд Семент» 4 ҳодисаи резиши санг ва омадани сел ба қайд гирифта шуд.

22 апрели соли 2024 соати 15:05 дақиқа боронҳои пуршиддат муҷиби омадани сел аз қаламрави Ҷумҳурии Қирғизистон шуд, ки бар асари он 25 метр садди ҳимоявии деҳаи Қурғончаи ҷамоати деҳоти Ҳаёти Нави ноҳияи Ҷаббор Расулов шуста шуд.