Дар Яман 101 ҳазору 820 нафар мубталоёни бемории вабо ба қайд гирифта шудаанд. Бино ба хабарҳои расмӣ вабо то имрӯз 789 нафар сокинони ин кишварро куштааст.

Вабо аз охири моҳи апрели соли равон дар Яман рӯ ба афзоиш овард. Дар Санъо-пойтахти ин кишвар ҳолати фавқулодда эълон шудааст.
Вазорати тандурустии Яман мегӯяд авалин мубталоёни ба ин бемории марговар ҳанӯз се сол пеш ба қайд гирифта шуда буданд. Гуфта мешавад, ки дар айни замон дар 19 вилояти ин кишвар мубталоён ба вабо сабти ном шудаанд.