КҲФ Тоҷикистон

24 майи соли 2024 аз ҷониби Дастаи махсуси зудамали наҷотдиҳии Раёсати Кумита дар вилояти Хатлон аз қубури канализатсияи тангкӯчаи Низомии шаҳри Бохтар ҷасади 2-нафар истиқоматкунандагони шаҳри Бохтар -  Баҳриддинов Бахтиёр Ҷумаевич- 1971 соли таваллуд ва Баҳриддинов Парвиз Бахтиёрович-1991 соли таваллуд  бароварда шуда ба мақомотҳои дахлдор супорида шуд.

25 майи соли 2024 хабари мазкур дар сомонаи расмии Кумита бе ифшои ному насаби ҷабрдидагон бо мақсади огоҳ намудани аҳолӣ ҷиҳати даст кашидани онҳо аз роҳандозии ин гуна корҳо, мавод ҷой карда шуд.

Наҷотдиҳандагони КҲФ рӯзҳои истироҳат дар ноҳияи Ёвон ба корҳои ҷустуҷӯи ҷасади тифли ғарқшуда идома доданд. Бино ба оморҳои озир то 3 июни соли 2024 52 нафар дар обҳои кишвар ғарқ шудаанд, ки 21 нафарашон то 17-сола буданд.

1 июни соли 2024, тахминан соати 13:30-дақиқа, як сокини 10-солаи деҳаи Кӯлоботи ҷамоати деҳоти Чоргули ноҳияи Ёвон дар канали байнидеҳаи маҳаллӣ ғарқ шудааст. Наҷотдиҳандагони Раёсати КҲФ дар вилояти Хатлон барои анҷом додани корҳои ҷустуҷӯӣ ва наҷот сафарбар карда шуданд. Ҷустуҷӯ то торикӣ идома кард, аммо натиҷае надод.

31 майи соли 2024 дар маҷлисгоҳи меҳмонхонаи Румӣ ҷаласаи комиссияи амалкунандаи Платформаи миллии Ҷумҳурии Тоҷикистон оид ба коҳиҳи хатари офатҳои табиӣ дар ҳайати васеъ баргузор шуд.

Ин ҷаласа таҳти роҳбарии Сардори Сарраёсати Кумита, котиби масъули Платформаи миллӣ генерал-майор Ҷамшед Камолзода гузашт.

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон истинодан ба Агентии ҳавошиносии кишвар ба таваҷҷуҳи сокинон ва меҳмонони мамлакат мерасонад, ки шабонарӯзи наздик бар асари боронҳои пуршиддат дар навоҳии кӯҳиву наздикӯҳии тобеъи ҷумҳурӣ ва вилояти Суғд омадани селҳо пешбинӣ мешавад.

Муддати се рӯз барои иҷрои Нақшаи асосии чорабиниҳои Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон  барои соли 2024 дар ҳолати рух додани ҳолатҳои фавқулодда машқҳои мудофиаи гражданӣ баргузор гардид.

Дар ноҳияи Бобоҷон Ғафуров омӯзиши маҷмуъӣ дар мавзӯи «Амали ҳайати роҳбарикунанда, комиссияҳо, қувваҳо ва воситаҳои мудофиаи гражданӣ бо ҷалби зерсистемаҳои ҳудудии Системаи ягонаи давлатии пешгирӣ ва рафъи ҳолатҳои фавқулодда» дар се марҳила ташкил ва гузаронида шуд.