Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба таваҷҷуҳи шаҳрвандон ва меҳмонони кишвар мерасонад, ки тибқи маълумоти Агентии обуҳавосанҷии Тоҷикистон аз 30-уми март то 1-уми апрели соли равон дар қаламрави мамлакат ҳавои номусоид боқӣ мемонад. Дар водиҳо боришоти шадид ва дар минтақаҳои куҳӣ раъду барқ ва барфи тар пешгӯӣ мешавад. Шамол аз тарафи ғарб дар як сония аз 17 то 22 метр мевазад.