КҲФ Тоҷикистон

Тарзи муносибат бо расонаҳои хабарӣ, равиши мусоҳиба бо хабарнигорон, ироаи маълумот ва арқом ба расонаҳо ва ғайра дар омӯзише мавриди баррасӣ қарор мегирад, ки рӯзи 18-уми ноябр дар Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон оғоз шуд ва қарор аст он то 23 ноябр идома кунад.

Шанбеи гузашта ҳайати шахсии Раёсати Кумитаи ҳолатҳои фавқулодда ва мудофиаи гражданӣ дар вилояти Суғд бахшида ба Рӯзи Президенти Тоҷикистон як рӯзи покиву низофат гузарониданд. Бино ба гузориши ҳамкорамон Шоҳзода Бутаева ҳайати шахсии Раёсат ба ҳашари умумие, ки дар саросари шаҳри Хуҷанд гузашт, пайвастанд.

Муаллифони солномаи “Шарҳи вазъи ҳолатҳои фавқулода...дар соли 2018” ба ин назаранд, ки таҳлили раванди зуҳуроти фалокатбори табиӣ дар рӯи Замин нишон медиҳад, ки сарфи назар аз пешрафти илмӣ - техникӣ, ҳифзи одамон ва техносфера аз хатарҳои табиӣ  боло намеравад.  Дар тӯли солҳои охир шумораи қурбониёни зуҳуроти харобиовари табиӣ дар ҷаҳон ҳар сол 4,3% ва теъдоди осебдидагон то 8,6% зиёд мешавад.

Агентии ҳавошиносии кишвар бо пахши як эълон сокинон ва меҳмононро аз сардии ногаҳонӣ ва тағйири ҳаво ҳушдор додааст. Ин ниҳод мегӯяд тағйири дамои ҳаво бар асари ҳаракати дамои сарди арктикӣ воқеъ мешавад.  Тағйири ҳаво аз рӯзи 20-уми ноябр шуруъ мешавад ва бино ба ҳамин маълумот рӯзи 21 ноябр дар аксар манотиқи кишвар борон меборад ва ин борон дар доманакӯҳҳо ба ва ноҳияҳои кӯҳистонӣ ба барфи тар

Наҷотдиҳандагони Дастаи махсуси зудамали наҷотдиҳӣ дар шаҳри Душанбе дари оҳаниеро боз карданд, ки кӯдаки ҳаштсолаи ин хонадон дар дохил монда буд.  Даъвати кумак аз ноҳияи Фирдавсии шаҳри Душанбе расид. Гуфта мешуд, ки дар хонаи баландошёна воқеъ дар кӯчаи ба номи Неъмат Қарабоев марди соҳибхона чун аз манзилаш берун шуд, ҳис кард, ки шамол ба шиддат дарро пӯшид ва он ба таври автоматӣ баста шуд. Соҳиби хона, ки нияти дур рафтан надошт, бо худ калид нагирифта буд.