КҲФ Тоҷикистон

Боз се тани дигар шабонарӯзи гузашта ҳангоми шиноварӣ дар ҳавзу кӯлҳои кишвар ба ҳалокат расиданд. Ду нафари онҳо тифлон буданд, ки яке нав ба синни 13 қадам мегузошт. Падарону модарон ҳамоно дар назорати атфол саҳлангорӣ мекунанд. Аз аввали моҳи июн, ки мавсими оббозӣ расман шуруъ шудааст, бар асари ҳамин гуна беназоратиҳо 23 навраси то 17 сола ҷони худро аз даст дод.

Аз аввали моҳи ҷорӣ, ки мавсими оббозӣ расман шуруъ шуд, дар махзанҳои оби кишвар 40 нафар ғарқ шудаанд, ки 21 нафари онҳо кӯдакон ва наврасони то 17-сола буданд. Наҷотдиҳандагони Кумитаи ҳолатҳои фавқулодда ҳаёти 12 нафарро дар ин  20 рӯз аз марг наҷот додаанд.

Кормандони Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар доираи мусобиқоти варзишӣ бахшида ба 25-умин солгарди таъсиси КҲФ ба намуди варзишӣ, ба монанди вазнкашӣ дар турник  сабқат карданд.

Дар ин мусобиқа 27 нафар кормандони Дастгоҳи марказӣ ва воҳидҳои сохтории Кумита иштирок намуданд. Дар ҷамъбасти мусобиқот, дар ҷараёни муборизаи устувор ҷойҳои аввал ба ин тартиб тақсим шуданд:

19 июни соли 2019 дар Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар ВМКБ семинари омӯзишӣ дар мавзуи “Системаи идорӣ ва амали саривақтӣ дар ҷойи ҳодиса ҳангоми ҳолатҳои фавқулодда” баргузор шуд.

 Дар семинар роҳбарон ва ҳайати шахсии Раёсат ва мутахассисони Агентии Оғохон оид ба макони зист ширкат намуданд.

Дар ҷараёни семинар рӯнамои идораи вазъи буҳронӣ, табодули таҷрибаи маҳорату малакаҳо оиди бартарафсозии оқибатҳои ҳолатҳои фавқулодаи табиӣ ва техногенӣ пешниҳод шуд.

Се наврасе, ки шояд бехабар ва шояд огоҳона дар минтақаи мамнуъ ба шиноварӣ оббозӣ мекарданд, аз хатари як марги иҷборӣ наҷот дода шуданд. Онҳоро метавонист мавҷи пурталотуми Сир ба коми худ фурӯ барад, агар сари вақт ба кумакашон наҷотдиҳандагони Кумитаи ҳолатҳои фавқулодда намерасиданд. Ва чӣ зиёданд ин гуна ҳолатҳо, ки наврасону кӯдаконро бузургсолон беназорат мегузаранд ва онҳое, ки аз қоидаҳои шиноварӣ огоҳ нестанд, худро ба коми дарё медиҳанд. Ин аст, ки Кумита ба падару модарон ҳушдор медиҳад: Ҳушёр бошед, фарзандонатонро беназорат нагузоред!