КҲФ Тоҷикистон

Бар асари рониши замин дар деҳае воқеъ дар Ҷануби Чин ҳаддиақал 39 нафар ҷон бохтаанд. Ин ҳодиса рӯзи чаҳоршанбеи гузашта рух додааст, вале хабари он имрӯз расонаӣ шуд. Расонаҳои давлатии Чин хабар доданд, ки бештар аз 20 манзили сокинони ин русто зери гил ва лой монда, аз сарнавишти 15 нафар аз сокинон иттилоъ дар даст нест. Мақомоти наҷот ба хабаргузории Синхуа иттилоъ додаанд, ки муваффақт ба наҷоти чиҳил нафар шудаанд. Боронҳои азим ва пуршиддан дар баъзе манотиқи ин кивар ҳамоно дар ҳоли боридан аст.

Гармои шадиди ду моҳи охир олимону муҳаққиқони гӯшаву канори Заминро ба ташвиш овардааст. Имсол моҳи июн ва июл бо гармии худ бесобиқа ба назар мерасид ва инро мо ҳамрӯза дар Тоҷикистон эҳсос мекунем. Ҳамин эҳсосро дар Амрико ҳам доранд, дар Британия, кишварҳои Осиёву Уқёнусия низ, дар Русияву Чину Ҷопону мамолики дигар низ. Гузорише, ки дар зер мехонед, аз чанд таҳқиқот, ки манбаъҳои мухталиф (ВВС, Ассошейтенпресс, РИА НОВОСТИ ва ғайра) итишор додаанд, гирифта шудааст.

Се нафар аз як хонавода, ки дар ҷойи мамнуъ барои оббозӣ мехостанд шиноварӣ кунанд, бо талоши кормандони наҷоти Раёсати КҲФ дар Суғд аз чанголи марги эҳтимолӣ раҳо шуданд. Бо вуҷуди огоҳиҳои пайваста шаҳрвандон ҳамоно ҷойҳои мамнуъ барои оббозиро тафреҳгоҳ интихоб мекунанд ва дар аксар ҳолатҳо ин иқдомашон ба фоҷеа меанҷомад. Танҳо зарфи як ҳафтаи охир кормандони Дастаи зудамали наҷотдиҳии Кумитаи ҳолатҳои фавқулодда дар вилояти Суғд ҷони 8 нафарро аз марг наҷот додаанд. ЭҲТИЁТ КУНЕД!!!

Имрӯз ҳамчунин дар толори Маҷмааи "Ориён"-и шаҳри Исфара мулоқоти хосаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Қирғизистон Сооронбой Жээнбеков ва музокироти васеъ бо иштироки роҳбарони вазорату идораҳои марбута ва мақомоти маҳаллии худидоракунии Тоҷикистон ва Қирғизистон анҷом ёфтанд. Ҷонибҳо алоқамандии худро ба тавсеа ва рушди ҳамкориҳои гуногунҷанба дар асоси усули дӯстӣ ва ҳусни ҳамҷаворӣ иброз доштанд.

Кумитаи ҳолатҳои фавқулодда ва мудофиаи гражадании назди Ҳукумати Ҷумҳурии Тоҷикистон  истинодан ба маълумоти Агентии обуҳавошиносии кишвар хабар медиҳад, ки то охири моҳи июли соли равон дар аксар қаламрави кишвар (ба ҷуз ВМКБ)  ҳавои гарму хушк боқӣ мемонад. Ҳаво дар ин рӯзҳо то 44 гарм хоҳад буд. Гармои шадид  маъмулан сабаби об шудани барфу пиряхҳо дар навоҳиву манотиқи кӯҳӣ мешаванд ва ин обшуданҳо ба болоравии сатҳи оби рӯдхонаҳо сабаб мешавад. Дар баъзе ҳолатҳо обхезӣ, лағзиши тарма ва резиши санг низ эҳтимол дорад.