КҲФ Тоҷикистон

Наҷотдиҳандагони Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар вилояти Суғд муваффақ ба наҷоти ҷони панҷ сокини ин вилоят шуданд, ки дар рӯди Сир шиноварӣ мекарданд. Се нафари онҳо бародарону хоҳарон аз як хонавода буданд. Аз аввали соли 2019 дар обҳои кишвар 80 нафар ҳангоми шиноварӣ ҷони худро аз даст доданд, ки 32 нафари онҳо кӯдакон ва наврасони то 17-сола буданд. Дар ин муддат 14 нафар аз марги эҳтимоӣ наҷот ёфтанд.  

Дар шаҳри Хоруғ мусобиқаи футболи хурд бахшида ба 25-умин солгарди Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба анҷом расид, ки дар он тими мақомоти ҳифзи ҳуқуқ ва сохторҳои қудратии вилоят ширкат варзиданд.

Дар мусобиқаи финалӣ тими Раёсати КҲФ дар ВМКБ ва Раёсати давлатии хадамоти зиддисӯхтори ВКД дар ВМКБ бо ҳам қувва озмуданд. 

23 июли соли 2019 барои ҷузъу томҳои Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон 127 номгӯ васоити техникии ҳарҷогард ва таҷҳизоти махсус барои корҳои ҷустуҷӯиву наҷот супорида шуданд, ки Ҳукумати Ҷумҳурии Мардумии Чин ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон муҳайё намудааст.

Боз се шаҳрванд – ду сокини ноҳияи Ҷаббор Расулов ва як истиқоматкунандаи ноҳияи Мастчоҳи Кӯҳии вилояти Суғд, ки дар Сирдарёи шаҳри Хуҳанд ғарқ мешуданд, аз ҷониби кормандони Раёсати Кумитаи ҳолатҳои фавқулодда ва мудофиаи граждании назди Ҳукумати ҶТ дар вилояти Суғд наҷот дода шуданд.

Шаҳрвандон дар мавзеи манъшуда оббозӣ карда, ба гирдоб афтиданд. Наҷотдиҳандагони Дастаи махсуси зудамали Раёсати КҲФ, ки ҳамарӯза ба гаштзании соҳилҳои дарё машғуланд, сари вақт ба ёрӣ расида омаданд.

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон истинодан ба маълумоти Агентии ҳавошиносии кишвар хабар медиҳад, ки ҳавои гарму хушк дар қаламрави мамлакат то 23-уми июл боқӣ мемонад.

Грамои шадид сабабгори об шудани барфҳову пиряхҳо шуда, ба болоравии сатҳи оби рӯдхонаҳои Вахш, Панҷ ва Зарафшон оварда мерасонад.  Баланд шудани сатҳи об соҳилҳоро мешӯяд, метавонад сабаби омадни сел, лағзиши тарма, резиши санг дар минтақаҳои кӯҳӣ шавад.