3 –уми августи соли 2021 бо ширкати Сарвазири Ҷумҳурии Тоҷикистон Қоҳир Расулзода дар доираи ҷашнвораи 30-солагии Истиқлоли кишвар ва бо мақсади татбиқи лоиҳаи муштараки КҲФ ва БОР дар ҷамоати деҳоти Шӯроби Искандари шаҳри Ҳисор таҷҳизоти муосири радиолакатсионии тамғаи ​​DMRL - C - 5 ва маросими ифтитоҳи бинои тозатаъмири шуъбаи Хадамоти зидди жолаи Кумитаи ҳолатҳои фавқулодда...

Имрӯз, 23-уми июл дар Маркази таълимӣ-методии Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон нишасти матбуотии ҷамъбасти фаъолияти нимсолаи Кумита баргузор шуд. Ба суолҳои рӯзноманигорони дохиливу хориҷӣ  ҷонишини Раиси Кумита, полковник Имомалӣ Иброҳимзода ва сарварони Раёсатҳои Кумита посух доданд.

22 – уми июли соли 2021 дар доираи санҷиши омодагии ҷангии Қувваҳои Мусаллаҳ, мақомоти ҳифзи ҳуқуқ ва ҳайати шахсии захираҳои сафарбарӣ таҳти унвони «Марз-2021»  баробар ба дигар воҳидҳои Қувваҳои мусаллаҳи Ҷумҳурии Тоҷикистон воҳидҳои ҳарбии Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон низ ширкат карданд.

4-уми июни соли равон Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бо дастгирии шарикони байналмилалӣ ба 39 хоҷагии ҷамоатти деҳоти ноҳияи Ҳисор, ки 11 майи соли ҷорӣ аз сел зарар дида буданд, кумак расонд.

Ин ёриҳо аз маводи ғизоӣ, ашёи ниёзи аввал, кӯрпаҳо, бастаҳои беҳдоштӣ, зарфҳо барои об, ҳабҳои поксозии оби нӯшокӣ ва ғайра иборат буданд.

Дар қисмҳои ҳарбии КҲФ, ки дар ноҳияҳои Шаҳринав ва Рашт мустақаранд, маросими савгандёдкунии наваскарон доир гардид. Наваскарони даъвати баҳорӣ савганди садоқат ёд карданд. Дар ин маросимҳо ҷонишини Раиси Кумита, полковник И.Иброҳимзода, намояндагони мақомоти маҳаллии давлатӣ, фармондеҳони қисмҳои ҳарбӣ, хешовандони сарбозон ва хонандагони синфҳои болоии мактабҳои таҳсилоти умумӣ ширкат намуданд.