Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар вилояти Суғд рӯзи 26 – уми октябри соли 2024 дар заминаи ҶДММ «Хубҷамъ Инвест» машқи иншоотӣ дар мавзӯи «Амали ҳайати роҳбарикунанда ва неруҳои ғайриҳарбии корҳона ҳангоми ба амал омадани садамаҳои истеҳсолӣ» ташкил ва гузаронид. Ин тамрин рӯзи 26 октябр соати 10:00 дар саҳни анбори маҳсулоти тайёри ҶДММ «Хубҷамъ Инвест» бо иштироки кормандон, ҳайати роҳбарикунанда ва коргарону хидматчиён, неруҳои ғайриҳарбии мудофиаи гражданӣ бо сафороии умумӣ оғоз гардид.

Мувофиқи маълумоти Хадамоти геофизикии Академияи миллии илмҳои Тоҷикистон санаи 27 октябри соли 2024, соати 04:15дақиқа ба вақти маҳаллӣ дар ҳудуди Ҷумҳурии Тоҷикистон ду ҳолати заминларза ба қайд гирифта шуд. Маркази заминларзаи якум 197 километр шимолу-шарқӣ аз шаҳри Душанбе, 23 километр шимол аз ноҳияи Лахш буда, қувваи заминларза дар марказаш 3 балл ва дар ноҳияи Лахш 2-3 баллро ташкил додааст.

Боронҳои шадид, ки Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон аз вуқуи он қаблан истинодан ба Агентии ҳавошиносии кишвар хабар дода буд, сабаби омадани сел дар баъзе манотиқ гардид. Ҳолатҳое ҳам ба қайд гирифта шуданд, ки ҳаракати нақлиётро дар роҳҳо ба мушкил рӯбарӯ кард.

Семинари машваратӣ дар доираи татбиқи лоиҳаи муштараки КҲФ ва БОР 24 октябри соли 2024 дар шаҳри Душанбе семинари машваратӣ оид ба баланд бардоштани фаҳмиши хатарҳои офатҳои табиӣ дар доираи татбиқи минбаъдаи Лоиҳаи миллии идораи хавфи офатҳои табиӣ оғоз гардид.   Дар семинар кормандони КҲФ, Кумитаи сохтмон ва меъмории назди Ҳукумати Ҷумҳурии Тоҷикистон, Кумитаи давлатии заминсозӣ ва геодезӣ, Академияи миллии илмҳои кишвар ва як қатор созмонҳои байналмилалии муқими кишвари мо иштирок доранд.