7 марти соли 2026 дар толори Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон чорабинии идона таҳти унвони "Модар - олиҳаи зиндагӣ" бахшида ба Рӯзи Модар – 8 март баргузор гардид.

Дар чорабинӣ Раиси Кумита, роҳбарият ва занону бонувони Кумита иштирок намуданд. Нахуст чорабиниро  Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон генерал - полковник Раҷабалӣ Раҳмоналӣ оғоз намуда, занону бонувони Кумитаро ба муносибати иди фархундаи Рӯзи Модар самимона табрик ва муборакбод намуд.

Дар Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон мулоқоти Раиси Кумита генерал-полковник Раҷабалӣ Раҳмоналӣ бо мудири кишварии Барномаи озуқавории ҷаҳонии Созмони Милали Муттаҳид дар Тоҷикистон Симон Ҳоллема баргузор гардид.

 Дар мулоқот аз ҷониби Барномаи озуқавории ҷаҳонӣ сармутахассис оид ба шарикон Мунира Амидхонова ва сармутахассис оид ба татбиқи лоиҳаҳо Илҳом Сафаров иштирок намуданд.

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бо мақсади сайқали донишу малака ва тақвияти кор дар самти кадрҳо пайваста тадбирҳои заруриро амалӣ менамояд.

Дар ин ҳошия чанде пеш дар Ҷумҳурии Ӯзбекистон вохӯрии масъулини самти кадрҳои вазорату кумитаҳои ҳолатҳои фавқулоддаи кишварҳо доир гардид. Дар вохӯрии мазкур полковник Шокирзода Баҳром, сардори Раёсати кадрҳо ва кор бо ҳайати шахсии Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ширкат доштанд.

26 феврали соли 2026 вохӯрии нахустин оид ба омодагӣ ба тамрини махсуси байналмилалии наҷотдиҳӣ «Скала-2026» тариқи онлайн баргузор гардид.

     Намояндагони Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар ин вохӯрӣ иштирок намуда, бо намояндагони сохторҳои дахлдори давлатҳои аъзои Созмони Аҳдномаи Амнияти Дастаҷамъӣ масъалаҳои ташкиливу омодагиро мавриди баррасӣ қарор доданд.

Санаи 20 феврали соли 2026 ҳамоиши тантанавӣ бо  ҳайати шахсии Раёсат ва воҳидҳои сохтории он дар шаҳру ноҳияҳои минтақаи Бохтар таҳти унвони “Нақши Пешвои миллат дар бунёд ва таҳкими Қувваҳои Мусаллаҳи Ҷумҳурии Тоҷикистон” бахшида ба 33-умин солгарди таъсисёбии Қувваҳои Мусаллаҳи Ҷумҳурии Тоҷикистон баргузор гардид..

Бо сухани ифтитоҳӣ полковник Ҷалолзода А-муовини сардори Раёсат баромад намуда, аз хизматҳои таърихии Пешвои миллат дар таъсис, рушд ва таҳкими Қувваҳои Мусаллаҳи Ҷумҳурии Тоҷикистон ёдовар гардида, нақши Артиши миллӣ дар таъмини амнияти давлат ва ҳифзи дастовардҳои истиқлолиятро муҳим арзёбӣ намуд.