Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар ВМКБ аз пайдо шудани ҷасади як марди 58 – сола дар соҳили дарёи Панҷ хабар дод. Гуфта мешавад, ки ин мард, ки сокини деҳаи Чоҳкандези ҷамоати деҳоти Ширинҷонови ноҳияи Шуғнон буд, рӯзи 10-уми сентябри соли ҷорӣ бо мошинаш ба дарё сарозер шуда буд.

Ҳодиса он рӯз тахминан соати 13:45 дақиқа рух додааст ва мошини тамғаи Toyota Hilux, ки ӯ ронандагӣ мекард, ба НБО-и Помирэнержӣ мутааллиқ будааст.

Ин мошин дар километри 567-уми деҳаи Буни ҷамоати деҳоти Ширинҷонови ноҳияи Шуғнор ба дарё рафта буд.

Ҷустуҷӯи ҷасади ронанда муддати 11 рӯз идома дошт ва билохира пайдо ва ба хешовандонаш супурда шуд.