Таҷлили 25-солагии Кумитаи ҳолатҳои фавқулодда дар Филармонияи давлатӣ

Дар доираи ҷашни 25-солагии таъсиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар Филармонияи давлатии Тоҷикистон ба номи Акашариф Ҷӯраев чорабинии ҷашнӣ баргузор гардид, ки дар он Муовини Сарвазири Тоҷикистон М.Зокирзода, роҳбарони КҲФ, сарварони як қатор вазоратҳо ва идораҳои кишвар, сафирон ва роҳбарони созмонҳои байналмилалии муқими Тоҳикистон ширкат намуданд.

Дар чорабинӣ ҳамчунин собиқадорони Кумита иштирок доштанд. 

Кумитаи ҳолатҳои фавқулодда биступанҷсола шуд

Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон генерал-лейтенант Рустам Назарзода дар остонаи ҷашн аз заҳматҳои ҳамкоронаш дар таҳкими қудрати Кумита дар пешгириву бартарафсозии оқибатҳои ҳолатҳои фавқулодда ситоиш кард. Аз собиқадорон ёд намуд, саҳмашонро дар ташаккули Кумита созанда арзёбӣ намуд. Аз ҳамкориҳо бо созмонҳои байналмилалӣ ситоиш кард, ки як сабаби таҳкими пояҳои моддӣ-техникии Кумита шудаанд. Ва ба пешсафону хидматкардагон ҷоизаҳои идоравӣ тақдим намуд.

Таҷлили 25-солаги Кумита дар воҳидҳои сохтории он

17 августи соли 1994 бо Қарори Шӯрои Олии Ҷумҳурии Тоҷикистон Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон таъсис ёфт, ки ҳамакнун 25-солагии худро таҷлил мекунад. Ба шарафи ҷашн дар Кумита ва воҳидҳои сохтории он як силсила чорабиниҳои тантанавӣ баргузор мешаванд.

Тӯфони харобиовар дар Чин ҳаёти 5 миллион нафарро ба мушкил рӯ ба рӯ кард

Шумори кушташудагони тӯфони Лекимо дар Чин ба  ба 32 нафар расида ва 16 нафар бенишон гум шудаанд.  Тӯфон ва борандагии шадид дар рӯзҳои гузашта зиндагии панҷ миллион нафарро дар вилояти Чжэсзян дучори мушкил карда ва бештар аз як миллион нафар ба макони амн мунтақил шудаанд. Рониши замин ва сел сабаб шудааст, ки бештарин талафот дар шаҳри Ванжу рух диҳад. Ин тӯфон ба 34 ҳазор хона осеб расондааст.

Хирси сиёҳ барои хуруҷ аз хонае, ки ворид шудааст, деворро сӯрох кард

Як хирси сиёҳ бо вуруд ба як хона дар Амрико бо хароб кардани девор аз он ҷо фирор кард.  Пулиси минтақи Клорадо мегӯяд, ки ин хиср рӯзи ҷумъа замоне, ки хона холӣ будааст ба дохили он рафта ва ба ҳамин далел ба ҳеч касе осеб нарасондааст.

Идораи пулиси ин шаҳ дар саҳифаи Фейсбук навиштааст: “пас аз ҳузури маъмурони пулис, хирс шуруъ ба сӯрох кардани девор кард, то битавонад аз он фиррор кунад”.

Страницы