Тоҷикистон чун кишвари мизбон дар Конфронси минтақавӣ оид ба паст кардани хавфи офатҳои табиӣ ва амалӣ гардидани Барномаи қолабии Сендай ба тавсеаи ҳамкориҳои байналмилалӣ дар самти коҳиши хатари офатҳо, иҷрои тааҳҳудоти байналмилалӣ, татбиқи тарҳҳои байналмилалии коҳиши хатари офатҳо, бахусус иҷрои Барномаи қолабии Сендай хушбин аст. Сарвазири Тоҷикистон Қоҳир Расулзода дирӯз дар мулоқоташ бо меҳмонони Конфронс ба ин нукта таъкид кард.

Имзои Созишномаи байнидавлатӣ дар самти пешгирӣ ва бартарафсозии оқибатҳои офатҳои табиӣ миёни Ҷумҳурии Исломии Афғонистон ва Ҷумҳурии Тоҷикистон дар китоби ҳамкориҳои минтақавӣ миёни кишвар ва Афғонистон дар самти коҳиши хатари офатҳо, пешгирӣ ва бартарафсозии оқибатҳои ҳолатҳои фавқулода саҳифаи тоза боз кард. Ин созишномаи байнидавлатӣ дирӯз, дар доираи конфронси минтақавии коҳиши хатари офатҳо ба имзо расид.

20 август Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои тозабунёди дуошёнаи қисми мустақили Хадамоти давлатии оташнишонӣ ва ситоди ҳолатҳои фавқулоддаи ноҳияи Кӯҳистони Мастчоҳро ба истифода доданд.

Бинои оташнишонии ноҳия дар кутоҳтарин фурсат бо сатҳу сифати баланд сохта шудааст. Баробари бунёди иншоот барои фаъолияти дурӯсти кормандони ин сохтор шароити зарурӣ муҳайё гардид.

Наҷотдиҳандагони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ҳафтумин рӯз аст, ки ҷасади  Ирина Третяковаи 61-соларо меҷӯянд, вале ҳамоно нишоне аз ӯ пайдо нест.  Ин шаҳрванди Русия рӯзи 13-уми август ҳангоми убур аз пули рӯди Хингоб ба дарё сарозер шуд ва мавҷи пурхӯрӯш дар як лаҳза ӯро аз чашми ҳамраҳонаш дур кард.

6 августи соли 2019 дар бахши Ҷамъиятии Ҳилоли Аҳмари Тоҷикистон  дар минтиқаи Бохтари вилояти  Хатлон мизи мудавар оиди лоиҳаи “Фароҳам овардани иқтидор тавасути мусоидат ба коҳиши хавфи офатҳои табиӣ дар қисмати ҷанубии Ҷумҳурии Тоҷикистон”  гузаронида шуд.