Рӯзи 27 октябри соли 2025, зимни сафар ба шаҳри Риёзи Шоҳигарии Арабистони Саудӣ, мулоқоти Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон генерал - полковник Раҷабалӣ Раҳмоналӣ бо роҳбари кулли Маркази имдод ва кумакҳои башардӯстона Шоҳ Салмон доир гардид.

      Зимни мулоқот ҷонибҳо масъалаҳои рушди ҳамкориҳои дуҷониба, аз ҷумла таҳкими  равобити ҳасана ва таҷдиди лоиҳаҳои сармоягузории башардӯстона байни Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ва Маркази имдод ва корҳои башардӯстонаи Шоҳ Салмон мавриди баррасӣ қарор дода шуданд.