25-уми октябри соли 2025, тахминан соати 11:00 дақиқа  дар ҳудуди деҳаи Сафедоби ҷамоати деҳоти Қалъаи Лаби Оби ноҳияи Тоҷикобод аз қаторкӯҳои  Исмоили Сомонӣ, аз як пиряхи бузург як пора канда шуда, аз тариқи дара поён лағжидаст.

Бино ба гузориши расида дарозии ин пиряхи кандашуда ҳудудан ду километр буда, баландиаш 25 метр ва паҳнои он 150-200 метр аст.

24 – уми октябри соли 2025, тахминан соати 11:50 дақиқа як писарбачаи 7-сола аз деҳаи Пахтакори ҷамоати деҳоти Норини ноҳияи Ёвон аз беназорати волидонаш дар канали Магистралӣ афтода ғарқ шуд.

Баъди роҳандозии корҳои ҷустуҷӯ ва наҷот рӯзи 26-уми октябр ҷасади ин ноболиғ аз ҷониби наҷотдиҳандагони Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар вилояти Хатлон пайдо ва ба мақомоти дахлдор супурда шуд. 

  27 октябри соли равон, дар Раёсати Кумитаи ҳолатҳои фавқулодда ва мудофиаи гражданӣ дар вилояти Хатлон семенари омӯзишӣ доир гардид.      Семенари мазкур дар доираи иҷрои нақшаи корҳои омӯзишӣ ва фаҳмондадиҳии Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон оид ба қоидаҳои рафтори дуруст ҳангоми ба вуқуъ омадани ҳолатҳои фавқулодаи табиию техногенӣ ташкил карда шуд.

Санаи 23-24-уми октябри соли 2025 дар асоси нақшаи чорабиниҳои асосии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар ҳамкорӣ бо мақомоти маҳаллӣ дар шаҳри Ҳисор машғулиятҳои омӯзишӣ оид ба масъалаҳои мудофиаи гражданӣ бо иштироки кормандони соҳаи тандурустӣ баргузор гардиданд.

Ҳадафи асосии баргузории ин машғулиятҳо баланд бардоштани сатҳи омодагӣ ва донишу малакаи амалии кормандони тиб дар ҳолатҳои фавқулода, аз ҷумла ҳангоми офатҳои табиӣ, садамаҳои техногенӣ ва ҳолатҳои изтирорӣ мебошад.