КҲФ Тоҷикистон

Аз 5 то 7 ноябри соли 2025 ҳайати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бо роҳбарии генерал-полковник Раҷабалӣ Раҳмоналӣ - Раиси Кумита, дар ҷаласаи вазирони ҳолатҳои фавқулода оид ба пешгирӣ ва бартарафсозии офатҳои табиӣ ва ҳолатҳои фавқулода, ки дар доираи ҳамкориҳои механизми “Як камарбанд — як роҳ” дар шаҳри Саняи Ҷумҳурии Мардумии Чин баргузор гардид, иштирок менамояд.

1-уми ноябри  соли 2025 дар Раёсати Кумитаи ҳолатҳои фавқулодда ва мудофиаи гражданӣ дар вилояти Суғд бо мақсади тарғибу ташвиқи васеи меъёрҳои Конститутсия, санадҳои меъёрии ҳуқуқӣ ва бахшида ба 31-солагии қабули Конститутсияи Ҷумҳурии Тоҷикистон бо  мудири кафедраи ҳуқуқшиносии Донишгоҳи давлатии Хуҷанд ба номи академик Бобоҷон Ғафуров, номзади илми таърих, дотсент Ҷабборзода Иброҳим Раҳмат вохӯрии судманд

3 ноябри соли 2025 дар маҷлисгоҳи Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ҷаласаи ҷамъбастии фаъолияти нуҳмоҳаи Кумита баргузор гардид.

Дар кори ҷаласа роҳбарият, сардорони сарраёсатҳо,  раёсату шуъбаҳои алоҳидаи дастгоҳи марказӣ, роҳбарони сохторҳои тобеи Кумита дар вилоятҳо ва шаҳру ноҳияҳои ҷумҳурӣ (бо тарзи маҷозӣ) иштирок намуданд.

2 – уми ноябри соли 2025, соати 16:05 дақиқа навбатдори ШВКД-1 дар ноҳияи Фирдавсӣ, ба навбатдори Раёсати Кумитаи ҳолатҳои фавқулодда ва мудофиаи гражданӣ дар шаҳри Душанбе хабар дод, ки дохили чоҳе воқеъ дар бинои 26, кӯчаи Фирдавсӣ як ҷасад намудор шудааст.

Ба ҷойи ҳодиса дастаи имдодгарони Раёсати КҲФ дар шаҳри Душанбе фиристода шуд.

Баъди аз чоҳ берун овардани ҷасад маълум гашт, ки вай як марди 49-сола, истиқоматкунандаи кӯчаи Анҷиркони хоҷагии Кирови ноҳияи Мир Сайид Алии Ҳамадонӣ будааст.

Сабаби ҳалокати ин мард дар чоҳ маълум нест.

Бино ба гузоришҳои расида бар асари заминларза дар Афғонистон беш аз 20 нафар ба ҳалокат расид ва наздик ба 320 нафар дигар маҷруҳ шуданд. Шумораи қурбониёни ин зилзила ба эҳтимоли зиёд рӯ ба афзоиш аст, чун омори дақиқ аз манбаъҳои муътамад дастрас нашудааст.

Ҳамчуноне иттилоъ додем, бино ба гузориши Хадамоти Геофизикии АМИТ ин заминларза 3-уми ноябри соли 2025, соати 01:29 дақиқа бо вақти маҳаллӣ рух дод ва маркази он 236 километр ҷанубу-ғарби шаҳри Душанбе, 80 километр ҷанубу-ғарби ноҳияи Шаҳритузи вилояти Хатлон, 322 километр аз шаҳри Панҷакенти вилояти Суғд дар ҳудуди Ҷумҳурии Афғонистон буд.