22 ноябри соли 2024 дар Раёсати Кумитаи ҳолатҳои фавқулодда ва мудофиаи гаржаднии назди Ҳукумати Ҷумҳурии Тоҷикистон дар шаҳри Душанбе ҷаласаи тантанавӣ бахшида Рӯзи парчами давлатӣ баргузор шуд. Дар суханронии табрикотии худ мудири кафедраи ҳуқуқи ҷиноятии Донишкадаи такмили ихтисоси Вазорати адлияи Ҷумҳурии Тоҷикистон Назарзода Акмал Шодмон таъкид намуд, ки Парчами давлатӣ рамзи таърихи қадимаи халқи тоҷик аст ва яке аз рамзҳои муқаддаси Тоҷикистони соҳибистиқлол. Ин як ҷузъи муҳими фарҳанги давлатдорӣ буда, инъикоскунандаи мавҷудияти миллату давлат мебошад. 

21-уми ноябри соли 2024 бар асари боришоти шадид дар қитъаи роҳи Кӯлоб-Дарвоз-Хоруғ, ки аз қаламрави ноҳияи Дарвози ВМКБ мегузарад, сел ва сангрезӣ ба қайд гирифта шуд. Чунончӣ, соати 18:47 дақиқаи вақти маҳаллӣ дар километри 352-ум, ки аз ҳудуди деҳаи Умараки ҷамоати деҳоти Қалъаи Хумб мегузарад, лою лойоба роҳро баст ва ҳаракати мошинҳоро ба ду самт номумкин кард. Соати 19:47 дақиқа дар километри 356-уми ҳамин роҳ, дар ҳудуди деҳаи Мадраси ҷамоати деҳоти Қалъаи Хумб резиши санг ба қайд гирифта шуд, ки он низ роҳро ба рӯи мошинҳо баст.

Ҳар соли 24-уми ноябр дар Ҷумҳури Тоҷикистон Рӯзи Парчами давлатӣ қайд карда мешавад. Ба ин муносибати рӯзи 22-уми ноябр дар Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар ВМКБ ҷаласаи тантанавӣ баргузор шуд. Дар ин нишаст роҳбарон ва ҳайати шахсии Раёсати КҲФ ба Вилояти Мухтори Кӯҳистони Бадахшон иштирок карданд. 

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бо истинод ба Агентии обуҳавошиносии кишвар хабар медиҳад, ки аз 21 то 23 ноябри соли 2024 дар ноҳияҳои кӯҳӣ ва доманакӯҳҳои тобеи ҷумҳурӣ, вилояти Суғд ва Хатлон вилоятҳо, инчунин дар ҳудуди ноҳияи Дарвози Вилояти Мухтори Кӯҳистони Бадахшон таҳдиди омадани сел идома хоҳад ёфт. Илова бар ин, бар асари боришот хатари баланд шудани сатҳи об дар дарёҳои Ёхсу, Қизилсу (ҷануб) ва дарёҳое, ки аз нишебиҳои ҷанубии қаторкӯҳҳои Ҳисор ҷорӣ мешаванд, вуҷуд дорад.

Се сокини деҳаи Пишихарви ҷамоати деҳоти Водхуди ноҳияи Ванҷ зери тарма монданд ва яке аз онҳо ҷони худро аз даст додааст. Бино ба гузориши Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар ВМКБ ин ҳодиса рӯзи 20-уми  ноябри соли 2024, соати 09:00 дақиқа рух додааст. Ин се сокини ноҳияи Ванҷ бовуҷуди эълонҳо ва ҳушдорҳо аз паёмадҳои боришоти рӯзҳои ахир бо мақсади ҷамъоварии ҳезум ба кӯҳ рафта буданд. Ду нафари онҳо 44 сол дошта, як нафарашон 55-сола буд.