Рӯзи 16-уми октябри соли равон тахминан соати 17:00 аз садмаи мошин дар қаламрави ноҳияи Дарвози ВМКБ хабар дода шуд. Дар километри 345-уми деҳаи Сангевни ҷамоати деҳоти Қалъаихуми ноҳияи Дарвоз автомашинаи тамғаи “Toyota Land Cruiser”, ки аз ҷониби як сокини 45-солаи шаҳри Душанбе идора мешуд, дучори садама шуд. Дар натиҷа ронанда бо ду мусофири он аз ҷумлаи шаҳрвандони Ҷумҳурии Ҳиндустон, кормандони Сафорати Ҳинд дар шаҳри Душанбе, ки яке 58-сола ва дуюмӣ 41 сол дошт, бо ҷароҳатҳои гуногун ба беморхонаи ноҳияи Дарвоз интиқол дода шуданд.  Сабаби ин садма аз ҷониби мақомоти ҳифзи ҳуқуқ таҳқиқ  мешавад.