КҲФ Тоҷикистон

Кумитаи ҳолатҳои фавқулодда ва мудофиаи граждани  назди Ҳукумати Ҷумҳурии Тоҷикистон ба таваҷҷуҳи сокинон ва меҳмонони кишвар мерасонад, ки бино ба гузориши Агентии обуҳавошиносии Тоҷикистон дар рӯзҳои оянда ҳавои номусоид пешбинӣ шудааст.

Ин манбаъ гуфтааст, ки дар аксари ноҳияҳои тобеъи ҷумҳурӣ, вилояти Хатлон ва навоҳии кӯҳии вилояти Суғ боронҳои пуршиддат, раъду барқ дар назар дошта шудааст. Дар ноҳияҳои ҷудогонаи тобеъи ҷумҳурӣ эҳтимоли боридани жола вуҷуд дорад. Шамол бо шиддати 13-28 метр дар як сония мевазад.

Рӯзҳои 9-10-уми апрел ба сабаби боронҳои шиддатнок дар роҳҳои мошингарди Душанбе-Хуҷанд, ноҳияҳои кӯҳӣ ва наздикӯҳии кишвар эҳтимоли лағзиши тарма ва омадани селҳо вуҷуд дорад.

Дар оғози фаслии баҳор манзараи кӯҳҳо диққатҷалбкунанда аст. Як сӯ сабзаҳои навдамида, як сӯ гулҳои нашукуфта ва чашмаҳои хурӯшон бидуни шак таваҷҷуҳи бинандаро ба худ мекашад. Аммо кӯҳбароӣ қоидаҳои хоси худро дорад, ки риоя накардани он хатарҳое ба ҳаёти инсон дорад.

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон аз тариқи сомонаи худ борҳо дар ин бора навиштаву муҳимтарин қоидаҳои кӯҳгардиро ҳам баён кардааст. Аммо мутаассифона, ҳамоно шаҳрвандон кутоҳӣ мекунанд, гӯш ба маслиҳату машварат намедиҳанд ва сӯи хатар по мегузоранд ва боиси фоҷеа мешаванд.

Кумитаи ҳолатҳои фавқуллода ва мудофиаи граждании назди Ҳукумати Ҷумҳурии Тоҷикистон ба шаҳрвандон ва меҳмонони кишвар иттилоъ медиҳад, ки тибқи маълумоти Агентии обуҳавошиносии Ҷумҳурии Тоҷикистон аз 8 то 10 апрели соли 2025 дар натиҷаи боришоти шадиди пешбинишуда дар шоҳроҳи Душанбе-Хуҷанд ва кӯҳу доманакӯҳҳо хатари омадани сел вуҷуд дорад.

Дар робита ба ин, Кумитаи ҳолатҳои фавқуллода ва мудофиаи граждании назди Ҳукумати Ҷумҳурии Тоҷикистон бори дигар ба сокинон ва меҳмонони кишвар муроҷиат намуда, тавсия медиҳад, ки дар ин рӯзҳо аз рафтан ба соҳили дарёву рӯдхонаҳо, сафарҳои сайёҳӣ ба кӯҳу пуштаҳои худдорӣ кунанд.

7 апрели соли 2025 дар Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон таҳти роҳбарии раиси Кумитаи ҳолатҳои фавқулодда, генерал-полковник Раҷабалӣ Раҳмоналӣ ҷаласаи ҳайати мушовара доир гардид. Дар ҷаласа фаъолияти семоҳаи Кумита ҷамъбаст шуд.

Дар он сарварони воҳидҳои сохторӣ, фармондеҳони қисмҳои ҳарбӣ, сарварони раёсату шуъбаҳои навоҳии тобеъи ҷумҳурӣ, сарварони Раёсатҳои Кумита дар вилоятҳои Хатлон, Суғд, ВМКБ, шуъбаи байниноҳиявии Кӯлоб иштирок карданд.

Дар рӯзномаи ҷаласа масъалаҳои ҷамъбасти натоиҷи кори идораи наҷот дар семоҳаи аввал, омодагии неру ва воситаҳои Кумитаи ҳолатҳои фавқулодда ба давраи баҳору тобистон ва омодагии ҳарбии воҳидҳои низомии Кумита баррасӣ шуданд.

Дар ҷаласа чорабиниҳои муҳимтарини дар семоҳаи аввал гузаронидашуда, муваффақиятҳои бадастомада ва камбудиҳои роҳ додашуда, инчунин муҳимтарин чорабиниҳои соҳаи ҳифзи аҳолӣ ва ҳудуди ҷумҳурӣ дар семоҳаи дуюми соли 2025 ба таври муфассал баррасӣ гардиданд. Дар байни офатҳои табиии рухдода лағзиши тарма бартарӣ дошта, 47 ҳодисаро ташкил медиҳад. Бар асари офатҳои табиӣ дар семоҳаи аввали соли ҷорӣ 3 нафар шаҳрвандон ба ҳалокат расидаанд. 

6-уми апрели соли  2025 соати 12:55 дақиқаи вақти маҳаллӣ дар қаламрави деҳаи Дерзуд ҷамоати деҳоти ба номи Назаршо Додхудоеви ноҳияи Рӯшон резиши санг ба қайд гирифта шуд. Бар асари ин ҳодиса як хонаи истиқоматии сокини деҳа зарар дид. Талафоти ҷонӣ нест. Комиссияи ҳолатҳои фавқулодаи ноҳияи ҳаҷми зарари расидаро муайян мекунад.

Дар робита ба бартараф нашудаи хатари лағзиши тармаву резиши санг Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бори дигар ба шаҳрвандон муроҷиат мекунад ва даъват менамояд, ки чораҳои бехатарии шахсиро риоя намуда, аз чорвочаронӣё дар чарогоҳҳои кӯҳӣ ва доманакӯҳҳо, сайру гашт дар кӯҳҳо, ҷамъоварии ҳезум, ба шикор ва моҳидорӣ худдорӣ намоянд.