КҲФ Тоҷикистон

Бо мақсади амалисозии Нақша-чорабаиниҳои асосии Кумита дар соли 2025 ва Нақшаи пуррагардонии омӯзиш дар Маркази ҷумҳуриявии таълимӣ-методии Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, аз 7 то 9 апрели соли 2025 бо дараҷаи “Ҳайати роҳбарикунанда”-и вазорату кумитаҳо ва ташкилоту идораҳои ҷмуҳурӣ курси кӯтоҳмуддати омӯзишӣ баргузор карда шуд.

Дар ифтитоҳи курси мазкур сардори Сарраёсати мудофиаи гражданӣ – полковник Вализода  Х. иштирок ва баромад намуданд. Баъдан аз ҷониби кормандони Маркази ҷумҳуриявии таълимӣ-методии Кумита мавзӯҳои омӯзишӣ дар шакли рунамо, суҳбат, намоиш ва саволу ҷавоб бароҳ монда шуданд, ки барои шунавандагони курси мазкур писанд омад.

9 апрели соли 2025 дар Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон вохурии Муовини Раиси Кумита генерал-майор Латифзода Ҳотамшо бо коршиносони самти сайёҳии Швейтсария - Тим Гампер – роҳбари Ширкати консалтинговии ассотсиатсияи “Гампер Смит”, Михаил Шамшидов – Директори Платформаи “Самарқанд туризм Форум”- Ҷумҳурии Узбекистон ва Олим Алимурзаев – Директори Ширкати сайёҳии ҶДММ “Тавр” Тоҷикистон баргузор гардид.

Муовини якуми Раиси Кумита зимнан маълумоти муфассал оид ба мавқеи ҷуғрофии Тоҷикистон, масоҳат ва 93% кишварро куҳ ташкил медиҳад ва ҳаҷми зарари офатҳои табиӣ маълумот манзкур намуданд. Ҳамзамон оид ба кули “Сарез” ва ташрифи сайҳони хориҷӣ ба ин мавзеъ ва саҳми Кумита ва фаъолияти Раёсати  масъалаҳои кули “Сарез”ахбороти манзур намуданд. Муовини якуми Раиси Кумита ҷиҳати ҳамкориҳо бо Кумитаи сайёҳӣ ахборот дода, қайд намуданд, ки дар идора намудани сайёҳон ҷиҳати сафар намуданашон ба минтақаҳои хавфнок чораҳои пешгирикунанда бояд андешид.

Кумитаи ҳолатҳои фавқуллода ва мудофиаи граждании назди Ҳукумати Ҷумҳурии Тоҷикистон дар якҷоягӣ бо Маркази тадқиқотии экология ва ҳифзи муҳити зисти Осиёи Марказӣ (Душанбе)-и Академияи илмҳои Тоҷикистон оид ба мониторинги интеллектуалии офатҳои табиии вобаста ба об семинар баргузор намуд.

9-уми апрели соли 2025 соати 06:50 дақиқа дар километри 492-уми роҳи  Душанбе – Ванҷ – Рӯшон – Хоруғ, ки аз қаламрави деҳаи Возванди ҷамоати деҳоти Муминшоҳ Абдулвосиев мегузарад, лағзиши тарма ба қайд гирифта шуд.

Барои роҳандозии корҳои бартарафсозии паёмадҳои ин офати табиӣ техникаи махсуси хадамоти роҳи ноҳия ҷалб шуд. Бар асари ин ҳоди талафоти ҷонӣ нест. Роҳа муваққатан баста аст.

8 апрели соли 2025 соати 19:29 ба қисми навбатдории Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар бораи алангаи сӯхтор дар кӯчаи ба номи Шарифҷон Ҳусейнзода, бино 18 воқеъ дар ноҳияи Шоҳмансури пойтахт хабар расид.

 Сӯхтор дар ошёнаи 8-уми бинои 12-ошёна оғоз шуда, ба ошёнаи 9-ум гузаштаст. Кормандон техникаи сӯхторхомӯшкунии хадамоти зидди сӯхтори ВКД Ҷумҳурии Тоҷикистон фаврӣ ба ҷойи ҳодиса расидаанд.