Дар шаҳри Москав навҷавони тоҷикро барои наҷоти кӯдаки ҳафтсола қадрдонӣ карданд
Чоп шуд: 19/05/2023 | admin![Зафар Умарзода](https://www.khf.tj/sites/default/files//styles/232_155/public/field/image/zafar-umarzoda.jpg?itok=3L5_q_6u)
Як шаҳрванди 16-солаи Ҷумҳурии Тоҷикистон барои наҷоти писарбачаи 7-сола аз ҷониби мақомоти марбутаи Федератсияи Русия қадрдонӣ шуд. 18 майи соли 2023 Зафар Умарзода, зодаи шаҳри Бохтари вилояти Хатлон дар маросими Ташаббусҳои ҷамъиятиву давлатии Умумирусиёии “Дили гарм” соҳиби ҷоиза шуд.
Медал барои ҷасоратро ба Зафар Умарзода ҷонишини вазири ҳолатҳои фавқулодаи ФР генерал-лейтенант А.Серко ва ҷонишини аввали вазири маорифи ФР А.Бугаев тақдим карданд.