Activities calendar

23 майи 2023

Наҷоти саге, ки дар миёни оби дарёи Варзоб монда буду роҳи бурунрафт надошт

23 майи соли равон дар саҳифаи иҷтимоии Фейсбук  хабаре ҷо дода шуд, ки муаллифи он барои наҷоти ҷони як саг, ки дар ҷазирачае дар рӯди Варзоб мондаву имкони берун рафтан аз онро надорад, даъват мекард. Бо дарёфти хабар наҷотдиҳандагони  Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар шаҳри Душанбе ба ҷойи ҳодиса равон шуданд.

КҲФ: Аз селҳо дар ду рӯзи оянда эҳтиёт кунед

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикитсон истинодан ба  маълумоти Агентии ҳавошиносии кишвар хабар медиҳад, ки рӯзҳои 24-25-уми майи соли 2023 бар асари боронҳои пуршиддат сатҳи об дар рӯдхонаҳои Ёхсу, Қизилсу (ҷанубӣ) ва дарёҳое, ки аз қаторкӯҳҳои Ҳисор ҷорианд, боло меравад. Эҳтимоли омадани селҳо дар ноҳияҳои кӯҳиву наздикӯҳӣ ба истиснои шарқи вилояти мухтори Кӯҳистони Бадахшон зиёд аст.

Оё метавон кӯдаконро дар хона танҳо гузошт?

Аслан беназорат гузоштани кӯдакон дар хона мумкин нест. Бахусус агар онҳо хеле хурдсол бошанд. Вале дар зиндагӣ ҳар гуна мушкилот пеш меояд ва баъзан лозим мешавад волидон ба кори муҳиме як муддат аз хона берун раванд. Дар ин гуна ҳолатҳо тифлони хеле хурдсолро ҳам набояд танҳо дар хона гузошт. Аммо онҳое, ки дар хона бояд бимонанд, синну солашон ба ҳадде бошад, ки гапро фаҳманд.

Чанд хабар аз рӯзи гузашта

Шабонарӯзи гузашта ба наҷотдиҳандагони Раёсати кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар шаҳри Душанбе лозим омад ду маротиба бо дархости сокинони пойтахт барои боз кардани дарҳои баста аз қароргоҳи худ берун шаванд.

Дар яке аз ин ду хонае, ки дари он баста шуда буд, кӯдакон бе назорати калонсолон монда буданд.

Паёми шодбошии Пешвои миллат Эмомалӣ Раҳмон ба муносибати Рӯзи ҷавонони Тоҷикистон

Ҷавонони саодатманду сарбаланди кишвар!

Ҳамаи шуморо ба ифтихори Рӯзи ҷавонони Тоҷикистон, ки яке аз санаҳои муҳимми таърихи кишвари соҳибистиқлоламон мебошад, самимона табрик мегӯям.

Мехоҳам бо қаноатмандӣ иброз намоям, ки Тоҷикистон кишвари ҷавонон аст ва бо дарназардошти саҳм ва нақши...

Заминларза дар Тоҷикистон. Бе талафоти ҷонӣ ва хисороти дигар

22 майи соли 2023 соати 10:43 бо вақти маҳаллӣ  дар қаламрави кишвар заминларза бақайд гирифта шуд. Бино ба гузориши Хадамоти геофизикии Академияи миллии илмҳои Ҷумҳурии Тоҷикистон маркази ин заминларза 295 километр ҷанубу шарқи шаҳри Душанбе, 60 километр ҷанубу ғарб аз ноҳияи Ишкошими ВМКБ дар ҳудуди Афғонистон буд.

Ширкати кормандони КҲФ дар Рӯзи дави миллӣ

21 майи соли  2023 беш аз 100 нафар варзишкорон аз ҷумлаи кормандон ва наҷотдиҳандагони Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар дави бахшида ба Рӯзи дави миллӣ ва веломарафони Душанбе ширкат карданд.

Дар қатори ҳазорон ширкаткунандаи ин чорабинии...

Ҳушдори Кумитаи ҳолатҳои фавқулодда аз селҳо, резиши санг ва ярчи рӯзҳои оянда

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба таваҷҷуҳи меҳмонон ва сокинони кишвар мерасонад, ки бино ба иттилои Агентии ҳавошиносии Тоҷикистон рӯзҳои 24-25 майи соли 2023 дар як қатор ноҳияҳои кӯҳӣ ва наздикӯҳии ҷумҳурӣ, ба истиснои шарқи Вилояти Мухтори Кӯҳистони Бадахшон омадани селҳо эҳтимол дорад.