Тибқи маълумоти сардори шуъбаи  Кумита дар ноҳияи Рӯдакӣ рӯзи гузашта, соати 16:30 дақиқа, бинобар сабаби боришоти зиёд  дар ҷамоати деҳоти Эсанбой  аз талу теппаҳо сел фаромада,  роҳи ҷамоат то маркази ноҳия,  аз километри 16 то 54-ум муваққатан баста гардид. Иничунин дар километри 68-ум 1 адад пули мошингузар, ки маркази ноҳияро ба ҷамоати деҳоти Эсанбой пайваст мекард, пурра шуста вайрон намудааст.

-дар ҷамоати деҳоти Эсанбой деҳаи Ишқобод ва деҳаи Чаган  селоба  ба  4   замини наздиҳавлигии шаҳрвандон  ворид шуда, қисман зарар расонид.

-дар ҷамоати деҳоти Чоргултеппа деҳаи Машъал аз сел 2 замин наздиҳалигӣ ва зиёда аз 500 метр роҳи деҳа зарар дидааст.

-дар деҳаи Шуриён ва деҳаи Пистамазор ҷамоати деҳоти Эсанбой сел 8 сар чорвои калонро ба ҳалокат расонд.

Аз тарафи МНДРА-и ноҳияи Рӯдакӣ 4 адад техникаи муҳндисӣ барои рафъи паёмадҳои ин офати табиӣ сафарбар гардида корҳои барқароркунӣ идома доранд. Ҳаҷми зарари расида пурра аз ҷониби космиссияи ҳолатҳои фавқулодда дар ноҳияи Рӯдакӣ муайян  карда мешавад.